എത്ര നന്നായി പരിപാലിച്ചാലും അടുക്കളത്തോട്ടത്തിലെ പച്ചക്കറികളില് നിന്നു നല്ല വിളവ് ലഭിക്കുന്നില്ലെന്ന പരാതി പലര്ക്കുമുണ്ട്. വെണ്ട, വഴുതന, പച്ചമുളക് തുടങ്ങി സ്ഥിരം വിളകള് മുരടിച്ചു നില്ക്കുന്ന പ്രശ്നം അഭിമുഖീകരിക്കുന്ന നിരവധി കര്ഷകരാണുള്ളത്. ഗ്രോബാഗിലെ മണ്ണില് ചെടിയുടെ വളര്ച്ചയ്ക്ക് അനുകൂലമായ ബാക്റ്റീരിയകളുടെ സാന്നിധ്യം അത്യാവശ്യമാണ്. ഇവ വളര്ന്നു പെരുകാനുള്ള സാഹചര്യം നമ്മള് സൃഷ്ടിച്ചു നല്കണം. ഇതിന് ഏറെ സഹായിക്കുന്ന മിശ്രിതമാണ് അമൃതജലം.
തയാറാക്കാന്
ആവശ്യമുള്ളവ
പച്ചച്ചാണകം, ഗോമൂത്രം, കറുത്ത ശര്ക്കര, വെള്ളം എന്നിവയാണ് അമൃതജലം തയാറാക്കാന് ആവശ്യമായ വസ്തുക്കള്.
തയാറാക്കുന്ന വിധം
പ്ലാസ്റ്റിക് ഡ്രമ്മോ മണ്പാത്രമോ ഉപയോഗിച്ചായിരിക്കണം അമൃതജലം തയാറാക്കേണ്ടത്. ആദ്യം ശര്ക്കര നന്നായി പൊടിച്ച് കുറച്ച് വെള്ളത്തില് കലക്കി അലിയിച്ചെടുക്കുക. ഇതിലേക്ക് ഗോമൂത്രം ചേര്ത്ത് നന്നായി ഇളക്കുക. പിന്നീട് പച്ചച്ചാണകവും വെള്ളവും ചേര്ത്ത് വീണ്ടും ഇളക്കി അടച്ചു സൂക്ഷിക്കുക. പ്ലാസ്റ്റിക് കവറോ തുണിയോ ഉപയോഗിച്ചാവണം പാത്രം അടക്കേണ്ടത്. ഇതു തണലില് സൂക്ഷിച്ചുവെയ്ക്കാന് ശ്രദ്ധിക്കണം. മൂന്നു ദിവസം കൊണ്ടു അമൃത ജലം ഏതാണ് റെഡിയാകും. ഈ ദിവസങ്ങളില് ദിവസവും മൂന്നു നേരം മിശ്രിതം ഇളക്കണം.
ചെടികളില് പ്രയോഗിക്കാം
നാലാം ദിവസം മുതല് ഉപയോഗിച്ചു തുടങ്ങാം. ഒരു ലിറ്റര് അമൃതജലത്തില് 10 ലിറ്റര് വെള്ളം ചേര്ത്ത് ചെടികളുടെ ചുവട്ടില് ഒഴിച്ചു കൊടുക്കുക. ഗ്രോബാഗും തടവും നന്നായി നനയത്തക്ക വിധം വേണം ഒഴിക്കാന്. വൈകുന്നേരങ്ങളില് വെയില് പോയ ശേഷം വേണം അമൃതജലം പ്രയോഗിക്കാന്. വെയില് തട്ടിയാല് അണുക്കളുടെ പ്രവര്ത്തനം നിലയ്ക്കും. അമൃതജലം ഒഴിച്ച ശേഷം തടത്തില് കരിയിലകള് കൊണ്ടു പുതയിടുന്നതും നല്ലതാണ്.
കടപ്പാട്
No comments:
Post a Comment