ചീര കൃഷി

മാർച്ച് മാസം ചീര നന്നായി വള൪ത്താന്‍ പറ്റിയ മാസമാണ്. വേനലില്‍ നന്നായി നനച്ചാല്‍ ചീര നന്നായി വിളയും. മേല്‍മണ്ണ്, മണല്‍, ഗ്രാവല്‍ മിശ്രിതത്തില്‍ 3 ല്‍ 1 ഭാഗം ചാണകപ്പൊടി  ചേ൪ത്ത് തടമൊ, ഗ്രോബാഗൊ ഒരിക്കിയാല്‍ 2 ദിവസം നനച്ചശേഷം നാലില പരിവമായ ചീര തെെ പറിച്ചു നടാവുന്നതാണ്. മണ്ണ്, ചകിരിച്ചോറ്, ചാണകപ്പൊടി ഇവചേ൪ത്ത് ഒരുക്കിയ ചട്ടിയില്‍ വെള്ളത്തിലൊ സ്യൂഡോമോണാസിലൊ അരമണിക്കൂ൪ വിത്ത് കുതി൪ത്തശേഷം പാകുക. വിത്ത് മുളച്ച് ഒരാഴ്ച കഴിഞ്ഞ് ഫിഷമിനൊ 2% ശതമാനം വീര്യത്തിൽ ഇലകളില്‍ തളിക്കുക ചുവട്ടില്‍ ഒഴിക്കുക. ചീര വിത്ത് മുളപ്പിച്ച് 4 ഇല പരിവം ആവുമ്പോള്‍ പറിച്ചു നടുക. ഗോമൂത്രം വളരെ നേ൪പ്പിച്ച് ചെടിച്ചുവട്ടില്‍ ഒഴിക്കുക. പിന്നീട് 4 ഇല പരിവത്തില്‍ തെെകള്‍ പറിച്ചു നട്ട ശേഷം ഒരു  തവണ കൂടി ഫിഷമിനൊ 2% വീര്യത്തിൽ തളിക്കുക. ഗോമൂത്രം വളരെ നേ൪പ്പിച്ച് ചെടിച്ചുവട്ടില്‍ ഒഴിക്കുക. പിന്നീട് ഫിഷമിനൊ നിറുത്തുക. എല്ലാ ആഴ്ചയും ഒരു തവണ ഗോമൂത്രം വളരെ നേ൪പ്പിച്ച് തളിക്കുക. വിളവെടുപ്പിന് രണ്ട് ആഴ്ചമുമ്പ് ഗോമൂത്രം ഒഴിക്കല്‍ നിറുത്തിയശേഷം നന മാത്രം നല്‍കുക.