കാബേജ് വിളയുടെ കീടങ്ങള്ക്ക് കെണിയായി കടുകും. കൃഷിയിടം ഒരുക്കി കാബേജ് തൈ പറിച്ച്നടുന്നതിന് പതിനഞ്ച് ദിവസം മുമ്പ് കൃഷിയിടത്തിന്റെ വരമ്പിനും ചുറ്റും കടുക് വിത്തു വിതറും. കൂടാതെ 22 നിര കാബേജിനിടയ്ക്ക് 1 നിര കടുക് എന്ന തോതിലും കടുക് വിത്ത് വിതയ്ക്കുന്നു. കാബേജിന്റെ വളര്ച്ചാകാലം മൂന്നുമാസമാണ്.
കടുക് ചെടിയുടെ വളര്ച്ചാകാലം ഒന്നര മാസമാണ്. അതുകൊണ്ട് കാബേജ് വിളവെടുപ്പുകാലം പൂര്ത്തിയാകുന്നതുവരെയും രണ്ടാംവിള കടുക് ചെടികള് പൂവോടെ കൃഷിയിട സംരക്ഷണത്തിന് ഉപകരിക്കും.
കടുക് ചെടി പൂക്കുമ്പോള് മഞ്ഞനിറത്തിലുള്ള പൂവ് കീടരോഗബാധകളെ ആകര്ഷിക്കുന്നു.കടുക് ചെടിയെ ആക്രമിക്കുകയും കാബേജ് വിളയെ സംരക്ഷിക്കുകയും ചെയ്യുന്നു.
മുഞ്ഞ, ഇലതീനിപ്പുഴുക്കള്, ഡയമണ്ട്ബാക്ക മോത്ത് എന്നീ കീടങ്ങളും വെള്ളപ്പൂപ്പല് എന്ന രോഗവും കടുക് ചെടിയെ ആക്രമിക്കുന്നു. അങ്ങനെ കടുക് കാബേജിനെ രോഗകീടങ്ങളില് നിന്നും സംരക്ഷിക്കുന്നു.
കൂടാതെ കൃഷിയിടത്തില് മിത്രകീടങ്ങളായ തേനീച്ച,തുമ്പി,ചിലന്തി എന്നിവയുടെ എണ്ണം വര്ദ്ധിക്കുന്നു. തേനീച്ച കൂടുതല് കൃഷിയിടത്തില് വരുന്നതിനാല് കര്ഷകര്ക്ക് തേനീച്ച വളര്ത്തല് ആരംഭിക്കുന്നതിലൂടെ അധിക വരുമാനം കൂടി ലഭിക്കുമെന്ന് ഇക്കോളജിക്കല് എന്ജിനീയറിംഗ് സാങ്കേതിക വിദ്യയിലൂടെ സാധിക്കുന്നു.
കാബേജ് വിളവെടുപ്പ് കഴിഞ്ഞശേഷം ഈ കടുക് ചെടികളെ പിഴുത് ഞെരടി മണ്ണില് ചേര്ത്ത് കൊടുക്കുന്നത് ഐസോതയോസൈനേറ്റ് എന്ന രാസവസ്തു മണ്ണില് ചേരാനും മണ്ണിന് രോഗപ്രതിരോധശേഷി വര്ദ്ധിപ്പിക്കാനും സഹായിക്കും.
ബന്തി, സൂര്യകാന്തി, ചോളം എന്നിവയും ഇതുപോലെ കെണികൃഷിക്ക് ഉപയോഗിക്കാം. ബന്തികൃഷി ചെയ്യുന്നത് മണ്ണില് ഉണ്ടാകുന്ന നിമാവിരകളെയും മറ്റ് മണ്ണുജന്യ കീടങ്ങളുടെ വളര്ച്ചയെയും തടയുന്നു.ബന്തിപ്പൂവ് കര്ഷകര്ക്ക് ഒരധികം വരുമാനവും.
No comments:
Post a Comment