സ്യൂഡോമോണാസ് ഫ്ളൂറസന്‍സ്

വിത്ത് മുളപ്പിക്കുമ്പോള്‍ "സ്യൂഡോമോണാസ് ഫ്ളൂറസന്‍സ്" ഉപയോഗിച്ചാല്‍ ഗുണം ഏറെയാണ്...
സാധാരണ നമ്മള്‍ വിത്ത് പാകുമ്പോള്‍ വെള്ളത്തില്‍ കുതി൪ത്താണ് പാകുന്നത്. ആവിത്ത് മുളച്ച ഉടന്‍ തന്നെ കട ചീയല്‍രോഗം കാണാറുണ്ട്, മറ്റു പല കുമിളുകളും ബാക്ടീരിയകളും വിത്ത് മുളച്ച ഉടൻ ചെടിയെ നശിപ്പിക്കാന്‍ എത്തുന്നു. പല രോഗകാരികള്‍ക്കും വളരാനുള്ള സാഹചര്യം വിത്തു മുളച്ചയുടന്‍ ചെടിച്ചുവട്ടില്‍ ഉണ്ടാവുന്നു. എന്നാല്‍ സ്യൂഡോമോണാസ് ഫ്ളൂറസന്‍സ് എന്ന ഒരുതരം powder 10 ഓ 20 ഓ ഗ്രാം 1 ലിറ്റർ വെള്ളത്തിൽ കലക്കി അതില്‍ അര മണിക്കൂ൪ വിത്ത് കുതി൪ത്തി നട്ടാല്‍ വിത്തുമുളക്കുമ്പോള്‍ ചുവട്ടില്‍ കാണപ്പെടുന്ന എല്ലാ കുമിള്‍രോഗങ്ങളേയും, രോഗകാരികളായ ബാക്ടീരിയകളേയും ചെറുക്കാനാവുന്നു. അതുമൂലം കടചീയല്‍രോഗം മാറുന്നു. വേരിന് ശക്തി ലഭിച്ച് തെെകള്‍ തഴച്ചു വളരുന്നു. അതുപോലെ ചെടിവള൪ന്നുതുടങ്ങുമ്പോള്‍ (നാലില പരിവം, വള്ളിവീശല്‍, രണ്ടാഴ്ച പ്രായം) 10 ഓ 20 ഓ ഗ്രാം സ്യൂഡോമോണാസ് 1 ലിറ്റർ വെള്ളത്തിൽ കലക്കി ഇലകളില്‍ ഒഴിക്കുക, ചെടികരുത്തോടെ രോഗ പ്രതിരോധശേഷി നേടി തഴച്ചു വളരും. സ്യൂഡോമോണാസ് ചെടിച്ചുവട്ടില്‍ കലക്കി ഒഴിക്കുമ്പോള്‍ മണ്ണിൽ ചെടിക്ക് വലിച്ചെടുക്കാനാവാതെ കിടക്കുന്ന ഫോസ്ഫേററുകളെ (ഫോസ്ഫറസ് ) ചെടിക്ക് വലിക്കാന്‍ പാകത്തിലാക്കപ്പെടുകയും ഫോസ്ഫറസിന്റെ ലഭ്യതകൂട്ടുകയും ചെയ്യുന്നു. എല്ലുപൊടി ചേ൪ക്കുമ്പോള്‍ സ്യൂഡോമോണാസ് ചെടിച്ചുവട്ടില്‍ കലക്കി ഒഴിച്ചാല്‍ എളുപ്പത്തിൽ  എല്ലുപൊടി ചെടിക്ക് വലിക്കാന്‍ രൂപത്തിൽ ആവുന്നു. (എല്ലുപൊടി അഴുകാനെടുക്കുന്ന സ്വാഭാവിക കാലതാമസം മാറുന്നു)
വള്ളിവീശിയ ചെടിക്ക് സ്പ്രേ ചെയ്താല്‍ കൂടുതൽ ശിഖിരം വരും. സ്യൂഡോമോണാസ് ഒന്നു പരീക്ഷിച്ചു നോക്കൂ...
സ്യൂഡോമോണാസ് ജെെവം ആണ്.
സ്യൂഡോമോണാസ് എല്ലാ ജെെവ കൃഷി സംബന്ധമായ ഉല്‍പ്പന്നം വില്‍ക്കുന്ന കടകളിലും ലഭിക്കും. ഒന്നു രണ്ടു  കടകളില്‍ അന്വേഷിച്ചിട്ട് കിട്ടിയില്ലയെങ്കില്‍ ആ ടൌണിൽ ഏതെങ്കിലും കടയില്‍ കാണാതിരിക്കില്ല.